Јужна Кореја ја погоди силна бура со обилни дождови, при што загина едно лице, а над 100 луѓе беа евакуирани, соопшти Министерството за внатрешни работи и безбедност на земјата.
Во делови од регионот Јужен Чунгчеонг, јужно од Сеул, наврнале повеќе од 400 милиметри дожд од средата навечер, јавува Ројтерс. Две лица кои биле заробени од свлечиште во тој регион биле успешно спасени, пренесе агенцијата Јонхап.
Бидејќи врнежите продолжуваат, Корејската шумарска служба ги зголеми предупредувањата за свлечишта на највисоко ниво во неколку области, меѓу кои и регионот Чунгчеонг, пренесува Танјуг. Властите ги повикуваат граѓаните на максимална претпазливост.
