Воздушниот сообраќај на Националниот аеродром „Роналд Реган“ во Вашингтон беше целосно прекинат откако Федералната администрација за воздухопловство на САД (FAA) издаде наредба за стопирање на сите летови поради „неодредена безбедносна загриженост“.
Според информациите на „Ројтерс“, прекинот следел по пријава за потенцијална закана поврзана со авион на компанијата „Јунајтед ерлајнс“. Патниците од летот биле веднаш евакуирани и со автобуси пренесени до терминалот.
Аеродромските власти потврдија дека сите операции се ставени во мирување, но засега не откриваат детали за природата на безбедносниот ризик. Ситуацијата останува затегната, а федералните агенции работат на утврдување на причината за итната мерка.
