Во ноќта на 27 октомври, мистериозен светлозелен објект го осветли небото над Москва, привлекувајќи стотици сведоци и предизвикувајќи лавина теории на заговор на социјалните мрежи. Виралните видеа на X и Telegram го прикажуваат објектот како остава светлечка трага зад себе, а феноменот го забележале голем број луѓе низ градот.
Необичната боја на објектот веднаш поттикна шпекулации за вонземско потекло, но водечките руски научници ги отфрлија таквите претпоставки.
Александар Родин, раководител на секторот за беспилотни летала во Московскиот институт за физика и технологија, објасни за ТАСС дека станува збор за вештачки објект, создаден од човекот. Тој истакна: „Судејќи според снимките, релативно малата брзина, забавувањето кон крајот и зелените и жолти нијанси укажуваат дека најверојатно се работи за вселенски отпад – фрагмент од сателит, ракета-носач или горна фаза од ракета“.
Од друга страна, Сергеј Богачев од Рускиот институт за вселенски истражувања истакна дека објектот веројатно бил мал метеор кој изгорел во атмосферата. „Траекторијата и распаѓањето на огнената топка се типични за метеори, предизвикани од триењето при влегувањето во атмосферата на Земјата со голема брзина“, објасни тој.
Сепак, бидејќи не е сосема јасно дали станува збор за вселенски отпад или метеор, многумина на социјалните мрежи се забавувале со фантастични објаснувања – меѓу нив најпопуларно е дека „Зелениот фенер“ од светот на суперхероите слетал на Земјата.
Не дознавај последен- читај ПРВ.мк
