Рано наутро на 4 јули, генералот Кит Келог добива повик кој ќе го промени текот на американската политика кон руската агресија во Украина. На линијата е Радослав Сикорски, шефот на дипломатијата на Полска, кој му пренесува мрачна вест: полскиот конзулат во Киев е оштетен во жесток напад со руски ракети и беспилотни летала. Сикорски со јасна порака – Путин се потсмева на мировните иницијативи, и дека е неопходна итна помош за Украина.
Само два дена претходно, администрацијата на Трамп ги прекина сите испораки на оружје, што го отвори прашањето дали САД се откажуваат од Украина. Но овој напад, кој го погоди и сојузнички дипломатски објект, сериозно го вознемирува генералот Келог. Тој веднаш го повикува претседателот Трамп.
Трамп одговара веднаш. По неколку формални зборови за Денот на независноста, Келог му објаснува што се случило во Киев: најжестокиот напад досега – 11 ракети и над 500 дронови. Нападот доаѓа само неколку часа по таен телефонски разговор меѓу Трамп и Путин, што го прави уште посомнителен.
Трамп веднаш реагира. Наредува Пентагон да ги ослободи PAC-3 системите „Патриот“, кои беа замрзнати поради претходна наредба за суспендирање на помошта. Му наредува на Келог да го контактира министерот за одбрана Хегсет, кој претходно без известување го блокирал оружјето. Кога Хегсет се двоуми, Келог му вели: „Ако не ми веруваш, јави му се самиот на претседателот.“
Истото попладне, 4 јули, Трамп му ветува на Зеленски дека помошта конечно доаѓа. Европските сојузници веднаш ја користат промената. Германија нуди набавка на нови „Патриот“ системи за Украина. НАТО нуди покривање на трошоците за американското оружје. Трамп, убеден од Келог, прифаќа – Европа плаќа, Америка испорачува. Тоа, според него, е совршеното остварување на „MAGA“ принципите – Америка профитира, Европа се брани.
Само девет дена подоцна, Трамп и генералниот секретар на НАТО, Марк Руте, објавуваат нов пакет помош од 10 милијарди долари и остри санкции за секој што купува руски енергенси. До крајот на неделата, првите ракети „Патриот“ пристигнуваат во Украина, со германско финансирање. Нови договори следат: Германија финансира уште две батерии, Норвешка трета, додека залихите првично наменети за Швајцарија се пренасочуваат во Киев.
Пресвртот на Трамп – од повлечен и воздржан, до лидер кој ги мобилизира сојузниците – започнува со еден повик. Но ефектот е домино: војна, дипломатија, пари, оружје – и една порака: играта со Путин заврши.
