Градоначалникот на општина Брвеница, Јовица Илиевски, оствари средба со градоначалникот на општина Раб, Хрватска, Никола Гргуриќ, при што беше дискутирано за можности за соработка и размена на искуства меѓу двете општини.
„Чест ни беше во нашата општина да го пречекаме градоначалникот Гргуриќ. Оваа посета беше одлична можност за размена на идеи за понатамошен развој“, изјави Илиевски, додавајќи благодарност за издвоеното време и конструктивниот разговор.
Средбата ја потенцира важноста на меѓуопштинската соработка и можностите за споделување добри практики во локалното управување.
