Недостигот на RAM-меморија почнува директно да ја погодува гејминг-индустријата. Според информации на Bloomberg, Sony размислува значително да го одложи лансирањето на PlayStation 6, кое сега се споменува дури за 2028 или 2029 година.
Ова би било големо отстапување од досегашната традиција на компанијата, која од 1994 година редовно претставуваше нова генерација на секои шест до седум години. Актуелниот PlayStation 5 се појави во 2020, а наследникот првично се очекуваше до крајот на 2027 година.
Во исто време, и Nintendo наводно подготвува корекција на цената на Nintendo Switch 2. Иако лани не поскапе и покрај царинските мерки од времето на Donald Trump, сега се очекува зголемување – иако без прецизни бројки.
Компаниите засега молчат, но индустријата најавува турбулентен период за гејмерите ширум светот.
