Поради обилни врнежи од дожд, Центарот за управување со кризи соопшти дека состојбата е сериозна во Охрид, Кичево, Битола, Тетово и Гостивар, а сите надлежни служби се на терен.
- Во Охрид, поплавени се подруми, дворови и неколку објекти, додека локалната самоуправа и екипи на „Водовод“, „Нискоградба“ и „Комуналец“ интервенираат на терен.
- Во Кичево, евакуирани се дел од жителите кои се сместени во привремени објекти со обезбедена храна и здравствена заштита. Поплавени се подруми, дворови и земјоделско земјиште.
- Во Битола, зголемен водостој на реките предизвика локални излевања; поплавени се куќи, дворишта и земјоделски површини.
- Во Тетово, пријавени се уривања на потпорни ѕидови и локални излевања на водотеци, додека полицијата и општинската механизација интервенираат.
- Во Гостивар, поплавени се патни правци и делови од населени места; механизацијата работи на санација на штетите.
Центарот апелира до граѓаните да бидат внимателни, да не се приближуваат до надојдени водотеци и при потреба од помош да се јават на 112.
