Државниот завод за статистика соопшти дека индексот на трошоците на животот во јуни 2025 година се зголемил за 4,5% во споредба со истиот месец лани, додека индексот на малопродажните цени пораснал за 3,7%. Инфлацијата измерена на месечно ниво, во однос на мај 2025, изнесува 0,8%.
Најголем раст на цените е забележан во групите:
- Транспорт (+2,9%)
- Рекреација и култура, Храна и безалкохолни пијалаци (+1,1%)
- Разновидни стоки и услуги (+0,9%)
- Мебел и одржување домаќинство (+0,8%)
- Ресторани и хотели (+0,5%)
- Здравје (+0,3%)
- Комуникации, Облека и обувки (+0,2%)
- Домување и комуналии (+0,1%)
Министерството за економија најави дека ќе ги следи трговците и производителите и доколку се утврди манипулација или енормно покачување на цените, ќе се воведат ригорозни мерки, вклучувајќи можни ограничувања на цените и проширување на листата на производи под контрола.
Опозицијата ја критикува актуелната ситуација, истакнувајќи дека животниот стандард е најнизок во последниве години, со 70% од вработените кои земаат плата под 500 евра месечно. Според податоците, Македонија има една од најниските минимални плати во Европа, веднаш после Албанија.
Ситуацијата со растечките цени и стандардот останува една од главните предизвици за владата и граѓаните.
