Претседателката на Младинскиот форум на Алијанса на Албанците, Јлка Нуредини, преку јавно обраќање упати јасна порака дека младите остануваат гласни, доследни и на страната на принципите, дури и кога тоа значи дистанцирање од структури на моќта.
Нуредини истакна дека таа и раководството на Форумот секогаш биле во координација со младите и пријателите на движењето, и доследно се спротивставувале на соработки што отстапуваат од каузата и идеологијата на организацијата.
„Одлуката за излез од Владата, иако не во идеален формат, произлезе од едноставна вистина – младинскиот форум не доби ништо од таа релација. Ниту младите, ниту нашиот визионерски правец,“ рече Нуредини, нагласувајќи дека идеализмот, а не власта, е во фокусот на денешната политичка борба.
Во емоционален дел од обраќањето, таа говореше за личната дилема меѓу лојалноста и гласот, избирајќи да зборува отворено, без да ја негира благодарноста кон лидерството што ја формирало.
„Го сакам мојот лидер. Сите го сакаме. Но љубовта не треба да нè заслепи пред разумот што нè донесе тука,“ истакна Нуредини, додавајќи дека младинскиот форум одбира да остане активен, да зборува и да делува заедно со Арбен Фетаи – како симбол на достоинствено, посветено и доследно лидерство.
Со ова обраќање, младинскиот форум на Алијанса на Албанците се позиционира како еден од најискрените и најгласни гласови внатре во партијата, најавувајќи продолжување на борбата за вредности, идеали и вистинска претставеност на младите.
