Меџити: Продолжува уредувањето на дел од ободен канал во Арачиново

Првиот вицепремиер и министер за просторно и урбано планирање, Изет Меџити, соопшти дека теренските активности се одвиваат со засилено темпо, како дел од заложбата за подобрување на локалната инфраструктура.

„Продолжува регулацијата на дел од ободен канал во населено место Арачиново!!“, напиша Меџити во објава на Фејсбук.

Оваа инвестиција е дел од конкретни проекти кои имаат за цел подобрување на животните услови и заштита од поплави во ова рурално подрачје, со фокус на основната инфраструктура и управувањето со водите.