Во рамки на 445 инспекциски контроли спроведени во последните десетина дена, Агенцијата за храна и ветеринарство (АХВ) затвори 15 објекти поради продажба на небезбедна храна, особено насочена кон ученици.
Вкупно се запленети и уништени 696 килограми производи со сомнителен квалитет и непознато потекло. Дополнително, некои оператори немале имплементирано процедури за добра хигиенска и добра производствена пракса, не спроведувале задолжителен здравствен преглед на вработените, не извршиле задолжителна дезинфекција или не ги исполнувале техничките услови за работа.
За утврдените неправилности, 77 оператори добиле парични казни во вкупна вредност од 36.470 евра, а АХВ издала 103 решенија за отстранување на неправилностите и 23 опомени.
