Денес, фармата ВЕМИ имаше посебна посета од дечињата од градинката „Димче Мирчев“ во Велес. Малите гости имаа можност лично да запознаат овци, да научат како се одгледуваат и хранат, и да се запознаат со секојдневните активности на фармерите.
Дечињата беа исполнети со радост и љубопитност, а некои дури изразија желба барем еден ден во неделата да го поминат на фармата наместо во градинка.
Посетата беше проследена со многу пофалби за проектот, за внимателните негуватели и за самите дечиња, кои со својата љубопитност и насмевки го направија денот уште поубав.
Можеби токму меѓу овие мали посетители се крие некој иднина современ фармер, кој со љубов и посветеност ќе продолжи да ја негува природата и животните.
