Општина Центар објави јавен повик за доделување еднократна финансиска помош на пензионерите во социјален ризик, при што износот годинава е двојно зголемен – од 2.500 на 5.000 денари.
Градоначалникот Горан Герасимовски истакна дека со ова се исполнува едно од неговите предизборни ветувања.
„Во предизборната програма ветив дека ќе ја удвоиме финансиската помош за пензионерите и тоа ветување го исполнуваме. Нашите повозрасни сограѓани заслужуваат внимание, грижа и конкретна поддршка“, изјави Герасимовски.
Кој има право на 5.000 денари?
Право на помошта имаат примателите на старосна, семејна или инвалидска пензија, како и корисниците на социјална сигурност за стари лица, кои имаат постојано живеалиште во Општина Центар.
Дополнителен услов е месечниот износ на пензијата или социјалната сигурност да не надминува 28.050 денари.
Кои документи се потребни?
За аплицирање потребно е да се достават пополнето барање, копија од лична карта и копија од трансакциска сметка.
Пензионерите треба да приложат и доказ за примена пензија за јули или август 2026 година, додека корисниците на социјална сигурност треба да достават потврда или решение од надлежниот Центар за социјална работа.
Каде и кога се поднесуваат барањата?
Барањето може да се подигне во Архивата на Општина Центар, во барака 6, или да се преземе од официјалната општинска веб-страница.
Документацијата се поднесува секој работен ден, од 08:30 до 13:00 часот, во барака 6 – Сала на Советот на Општина Центар.
Важно е да се нагласи дека барањата се поднесуваат исклучиво во писмена фор
