Министерството за здравство информира дека денеска четворица од повредените во пожарот во Кочани, кои беа лекувани во медицински установи во Хрватска (двајца пациенти), Шведска (еден пациент) и Италија (еден пациент), се враќаат во земјата.
– Во странство се хоспитализирани 60 пациенти. Непроменета останува состојбата на пациентите кои се третираат во странство, вклучително и состојбата на критичните пациенти – соопшти Министерството.
Во болниците во Македонија во моментов се лекуваат седум пациенти. Четворица од нив се на лекување во Хируршката клиника „Св. Наум Охридски“, двајца во приватната болница „Систина“, а еден на Клиниката за пулмологија.
