Тешка трагедија се случила рано утринава пред едно казино во Кавадарци, кога во жестока тепачка животот го загубил маж роден во 1982 година.
Според информациите што ги објави МИА, а ги потврди д-р Антоан Паракеов, раководител на Службата за итна медицинска помош, лицето починало од тешки и смртоносни повреди во пределот на главата.
– Точно е, имаше убиство при тепачка пред казино утринава. Станува збор за смртоносни повреди на глава. Наша екипа доби повик и веднаш беше на лице место, но, констатира дека лицето беше починато, без знаци на живот – изјави д-р Паракеов за МИА.
Медицинската екипа реагирала веднаш по добиениот повик, но кога пристигнале, веќе било предоцна – лицето не покажувало никакви знаци на живот, а смртта била констатирана на самото место.
Во моментов се очекуваат повеќе детали од полицијата и истражните органи за околностите кои довеле до трагичниот инцидент.
