Најновите измени во законите за сообраќајна безбедност носат најстроги санкции досега – трајна конфискација на возилото за сите што возат пијани, дрогирани, без возачка дозвола или со опасно пречекорена брзина.
Оваа мерка се воведува првпат во Македонија, со цел да се спречат трагични несреќи и да се зголеми одговорноста на учесниците во сообраќајот. Наместо повисоки казни, фокусот е на жестоки последици – одземање на возилото и задолжителна затворска или условна казна.
Одземените возила нема да останат неупотребени – тие ќе се донираат на јавни институции и ставени во служба на граѓаните.
Со оваа драстична промена, властите испраќаат јасна порака: безобѕирното возење нема повеќе да поминува неказнето!
