Аднан Азизи именуван за шеф на Централниот изборен штаб на ВЛЕН за локалните избори

Со едногласна одлука на раководната структура на политичкиот субјект ВЛЕН, пратеникот Аднан Азизи е именуван за шеф на Централниот изборен штаб за претстојните локални избори кои се очекува да се одржат во октомври годинава.

Изборот на пратеникот Азизи на оваа функција е резултат на неговото долгогодишно политичко искуство, континуиран ангажман на терен и целосната доверба која ја ужива во рамките на коалицијата ВЛЕН. Оваа одлука има за цел да ги зајакне подготовките и координацијата за локалните избори, со цел максимизирање на претставеноста и изборниот успех на субјектот.

ВЛЕН веќе ги започна интензивните подготовки за изборната кампања, со цел мобилизација на сите капацитети во функција на достоинствена и победничка кампања.