Во раните утрински часови на 30 ноември, околу 02:05 часот, полициски службеници од Полициската станица за безбедност на патниот сообраќај при СВР Велес го приведоа 34-годишниот А.Р. од Велес на улицата „Никола Оровчанец“.
При преглед на лицето, полициските службеници пронашле предмети за кои постоело сомнение дека потекнуваат од кривично дело. Утврдено е дека А.Р. претходно влегол во станбена зграда и со употреба на подесен алат и физичка сила провалил во подрумска просторија сопственост на 44-годишниот О.В. од Велес, од каде ги одзел пронајдените предмети.
За настанот бил известен јавен обвинител, а увид на местото извршила увидна екипа од СВР Велес. Одземените предмети ќе му бидат вратени на сопственикот, а по целосно документирање на случајот против А.Р. ќе биде поднесена соодветна пријава.
