Воодушевувајте им се на убавината на нивните очи од далеку.
Мачките се предатори кои луѓето постепено ги припитомиле, но колку и да се блиски со луѓето, мачките ги задржале своите природни нагони и инстинкти.
Нивните очи се прекрасни, зелени и единствени, а во темнината, светат. Поради тоа, привлекуваат големо внимание, но околу нив имало различни контроверзи во текот на историјата.
Едно народно верување вели дека не треба да ја гледате мачката право во очи, бидејќи така таа ја впива енергијата. Мачките во некои култури се сметале за проводници помеѓу светот на живите и мртвите, па затоа постоело суеверие дека не треба да се гледаат право во очи. Исто така, мачките се сметале за животни кои помагаат на вештерки, па им се препишувале чудесни способности.
Секако, овие народни верувања и суеверија не се точни, но советот да не ја гледате мачката во очи не треба да се игнорира – тврдат научниците.
Долгиот и фокусиран поглед право во очите на мачката таа го доживува како агресија, повик за лов и во таква ситуација кај нив се јавува потреба да нападнат, без оглед колку и да се питоми. Мачките кои живеат на улица, решавајќи конфликти, постојано користат контакт со очи за да го застрашат противникот.
Видот на мачките е целосно различен од човечкиот. Мачките ја гледаат целата слика одеднаш, без да се фокусираат на нешто посебно. Од друга страна, фокусот на определена работа го земаат само при лов. Значи, ако го насочите погледот директно во очите на мачката, таа може да подлегне на природните инстинкти и да нападне.
Воодушевувајте се убавината на нивните очи од далеку, а кога се блиску, давајте им неизмерна љубов.
