Многу врски не пропаѓаат поради големи скандали, туку поради погрешни уверувања што со време ја нагризуваат довербата и блискоста. Психологот и терапевт за односи Џефри Бернштајн предупредува дека токму овие „тивки лаги“ често стануваат причина за дистанца меѓу партнерите.
Една од најчестите заблуди е верувањето: „Ако ме сака, треба сам/а да знае што ми треба“. Според него, никој не може да чита мисли, а неизкажаните очекувања најчесто водат до разочарување и лутина. Решението е јасна и мирна комуникација.
Втората лага е дека „вистинската врска не треба да биде тешка“. Во реалноста, секоја врска бара труд, а конфликтите не мора да значат крај, туку можност за подобро разбирање и раст.
Третиот мит е: „Партнерот треба да ме направи среќен/а“. Бернштајн вели дека ова создава преголем товар, бидејќи личната среќа не смее да зависи само од една личност.
Последната опасна заблуда е уверувањето дека можеме да го промениме партнерот со доволно труд. Наместо притисок, клучот е искрена комуникација и простор за природен заеднички развој.
Пораката е јасна: здравата врска не се гради на митови, туку на доверба, емпатија и отворен разговор.
