Киселата зелка е традиционален зимски деликатес кој многумина го сметаат за супернамирница, бидејќи е полна со витамин C, растителни влакна и природни пробиотици. Сепак, нутриционистите предупредуваат дека не е здрава за сите и дека кај одредени лица може да предизвика сериозни здравствени проблеми.
Овој вкусен специјалитет може да биде ризичен за луѓе со гастритис, чир на желудникот, заболувања на црниот дроб, висок крвен притисок или срцеви болести. Поради високата киселост и содржината на натриум, консумирањето на кисела зелка може да предизвика иритација на желудникот, надуеност, задржување течности и дополнителен притисок врз срцето.
Можни последици од прекумерно консумирање Претерувањето со кисела зелка може да предизвика киселини, болки во стомакот, воспаление на желудникот (гастритис), покачен крвен притисок и зголемен ризик од срцеви проблеми. Особено внимателни треба да бидат повозрасните лица и оние со нарушена функција на бубрезите, бидејќи високата содржина на сол може дополнително да го влоши нивното здравје.
Како да уживате во зимницата без ризик? Не е потребно целосно да се откажете од киселата зелка. Ако имате чувствителен стомак или висок притисок, исперете ја пред јадење за да го намалите вишокот сол и киселина. Избирајте поблаги варијанти или домашно ферментирана зелка со помалку сол. Консумирајте ја умерено, како додаток, а не како главно јадење.
Киселата зелка може да биде одличен извор на витамини и пробиотици, но само ако ја прилагодите кон вашето здравје. При појава на непријатност или проблеми со варењето, консултирајте се со лекар или нутриционист.
Не дознавај последен- читај ПРВ.мк
