Три навидум едноставни прашања го „збунија“ интернетот и повторно станаа хит на социјалните мрежи. Станува збор за тест на когнитивна рефлексија, креиран во 2005 година, кој не е класичен IQ тест, но одлично покажува колку сте склони кон брзи – и често погрешни – заклучоци.
Иако изгледа лесно, статистиката вели дека помалку од 20% од луѓето успеваат точно да ги решат сите три задачи. Причината? Прашањата се поставени така што ве наведуваат на интуитивен, но неточен одговор. Само оние што ќе застанат, ќе размислат подлабоко и ќе ја преиспитаат првата мисла, стигнуваат до вистинското решение.
Трите прашања што ги мамат и најпаметните:
1. Палка и топка – математичка стапица Комбинираната цена е 1,10 долари, а палката чини точно 1 долар повеќе од топката. Ако мислевте дека топката чини 0,10 долари – сте паднале во замката. Вистинскиот одговор е 0,05 долари.
2. Машини и производи – логика под притисок Ако 5 машини прават 5 производи за 5 минути, на 100 машини им требаат само 5 минути за 100 производи – не 100, како што многумина мислат.
3. Водни лилјани – експлозија во раст Ако езерото се полни за 48 дена, половина е покриено на 47-миот ден, бидејќи површината се дуплира секој ден.
Истражувањата покажале дека дури и студенти од врвни универзитети често грешат. Во некои анализи, само 6,6% ги погодиле сите одговори, додека во други процентот достигнал над 40%.
Поуката? Брзината не значи интелигенција – понекогаш една пауза прави огромна разлика.
