Стравот е природна човечка реакција, но некои личности го чувствуваат со поголема интензитет и честопати им го отежнуваат животот. Без разлика дали се работи за страв од промени, губење контрола, болест или несигурност, кај некои хороскопски знаци овие стравови се поизразени и може да ја зголемат нивната вознемиреност. Тие имаат склоност да ги преувеличуваат проблемите и да живеат во сенка на стравови, што понекогаш ги спречува да го уживаат моментот. Иако надворешно можат да делуваат смирено, внатрешно често се борат со страв и темни мисли.
Рак Раковите се исклучително емотивни и силно поврзани со своите блиски, поради што често чувствуваат страв од губење, предавство и осаменост. Нивната интуиција е голема, но таа понекогаш преминува во пречувствителност, што ги прави многу ранливи. Често размислуваат за најлошите можни исходи и имаат тешкотии да се ослободат од желбата да контролираат сè околу себе. Стравот од промени и непознатото им е голема пречка. Иако се грижат и се полни со љубов, нивната потреба за сигурност често им го успорува личниот раст.
Девица Девиците се познати по тоа што постојано анализираат и прецизно ги следат деталите, што ги прави склони кон стравови од грешки, неуспеси и хаос. Тие сакаат да имаат контрола и поради перфекционизмот се изложени на голем притисок и нервоза. Тие ги забележуваат и најмалите ситници кои другите ги игнорираат, а кога нешто не оди според планот, лесно се вознемируваат. И покрај надворешната фасада на рационалност, внатрешно често се преплавени со вознемиреност и несигурност.
Риби Рибите се емоционално длабоки и исклучително чувствителни. Токму оваа длабочина понекогаш ги прави многу ранливи и склони кон стравови. Тие често се плашат од суровата реалност, конфликти и остри зборови, па во моменти на загрозеност бегаат во светот на својата имагинација. Стравот од отфрлање и несигурноста во сопствената вредност може да ги парализира во секојдневните ситуации. Благодарение на големата емпатија, тие често го преземаат товарот и грижите на другите, што дополнително ги оптоварува.
