Линдзи Лохан повторно е во центарот на вниманието – овој пат со драматична промена на изгледот која не можеше да остане незабележана. На премиерата на филмот Freakier Friday во Австралија, холивудската ѕвезда се појави во смела модна комбинација, но она што навистина ги сврте сите погледи беше нејзиното ново лице – резултат на естетски зафати за кои, според неа, потрошила околу 300.000 долари.
Линдзи продефилира на црвениот тепих во црн проѕирен фустан со тенки прерамки, кој откриваше многу, но беше внимателно стилизиран за да задржи елегантна нота. Долниот дел на фустанот, речиси целосно транспарентен, ѝ даде провокативен печат на целата појава, а нејзината брановидна коса и шминката во „nude“ тонови само го заокружија впечатокот на внимателно осмислен изглед.
Но, она што беше централна тема на сите фотографии и медиумски коментари не беше фустанот – туку новото лице на Лохан. Промените на нејзиниот изглед, особено на лицето, се толку очигледни што многумина едвај ја препознаа. Испеглано чело, нагласени јаболчници, затегната кожа и нагласени усни – сите тие детали сугерираат на значителна естетска интервенција.
Линдзи, која со години се обидува да го врати својот статус на холивудска ѕвезда, сè почесто привлекува внимание токму со своите трансформации. И додека некои ја фалат за нејзиниот нов изглед и самодоверба, други пак критикуваат дека претерала со пластичните зафати и дека го изгубила природниот шарм по кој беше препознатлива.
Сепак, едно е сигурно – Линдзи Лохан повторно го диктира вниманието на јавноста, а нејзиниот изглед стана топ тема низ светските медиуми. Фотографиите од премиерата зборуваат повеќе од илјада зборови – Лохан не само што се врати, туку тоа го направи со стил што нема да се заборави.
