На Тикток се појави видео кое за само неколку часа предизвика носталгија, љубопитност и лавина коментари од корисници кои веруваат – или барем се надеваат – дека вистинските врски никогаш не завршуваат.
Видеото го објави млад човек од Србија, со профилот lbosnic.9, и ја раскажува приказната за неговиот татко и девојка по име Емилија, кои се запознале на работна акција во Ѓердап во 1984 година. Во тоа време, случајните средби траеле подолго од летото, писмата биле поважни од телефонските повици, а еден единствен мост можел да стане симбол на сè што можело да биде и не било.
Во видеото се прикажани три фотографии – три траги што би можеле да водат до Емилија:
- Првата фотографија ја прикажува местото на последната средба – стариот мост во Скопје. Пораката вели: „Сè започна тука, во Скопје во 1985 година.“ Тој мост е симбол на тивкото разделување и завршетокот на приказната.
- Втората фотографија е писмо од Емилија, со нежни зборови и постскриптум: „Многу топли поздрави до тебе и твоите. Емилија. П.С. Јави ми се кога ќе дојдеш, сè друго е средено.“
- Третата фотографија го прикажува таткото во младоста, со прашањето: „Можеме ли да ја најдеме Емилија?“
Социјалните мрежи веднаш се мобилизираа – луѓе од Србија, Македонија и дијаспората споделуваа информации, слики и совети, обидувајќи се да ја пронајдат Емилија Георгиевска. Некои спомнуваа работни акции од тоа време, други се сеќаваа на Скопје од осумдесеттите.
Младиот човек контактирал со некои жени чиј профил бил споделен од следбениците, но засега нема повратни информации. Тој објасни дека неговите родители се развеле пред 15 години, мирно и без горчина.
Приказната повторно покажува како социјалните мрежи можат да обединат луѓето околу една емотивна и носталгична потрага по изгубена љубов.
