Општина Аеродром најостро го осудува вандалскиот чин што се случил синоќа во паркот „Бановина“, при што била сериозно оштетена јавната сопственост.
Според информациите од општината:
- Искршена е урбаната опрема.
- Фонтаната е оштетена.
- Извршена е и кражба со провалување во чуварската куќа.
Општината потсетува дека паркот неодамна бил целосно обновен и опремен со современа урбана опрема, наменета за сите генерации.
„Наместо грижа и почит кон заедничкиот простор, сведоци сме на несовесно и неодговорно однесување и уништување“, соопштија од Општина Аеродром, нагласувајќи дека ваквите постапки нема да бидат толерирани.
Случајот е пријавен во полиција, а општината упатува апел до граѓаните: чувајте го јавниот простор, пријавувајте вандализам и заеднички придонесете за уредена и безбедна локална заедница.
