Тешка сообраќајна несреќа се случила вечерва на улицата „Незнаен јунак“ кај број 28, при што автомобил удрил во дете на возраст од околу 15 години.
Според првичните информации од местото на несреќата, од силината на ударот тинејџерот останал без свест и се здобил со сериозни повреди.
Сведоци и учесници во несреќата веднаш повикале Итна медицинска помош и полиција, барајќи лекарските екипи што побрзо да пристигнат на местото и да му пружат прва медицинска помош на повреденото дете.
Екипи на Итната медицинска помош и полициски патроли веднаш биле упатени кон местото на несреќата. Се очекува 15-годишното момче итно да биде транспортирано во здравствена установа, каде ќе му биде укажана дополнителна медицинска помош и ќе бидат направени потребните прегледи.
Полицијата треба да изврши увид на местото на несреќата, по што ќе се утврдуваат точните околности и причините кои довеле до тешката сообраќајка.
Повеќе информации за состојбата на повреденото дете се очекуваат по неговото згрижување во болница.
