Тензиите меѓу САД и Иран достигнаа точка на вриење само неколку часа пред истекот на официјалното примирје! Додека светот се надеваше на дипломатско решение во Пакистан, најавите од двете страни сугерираат дека војната не само што е можна, туку е прашање на моменти.
Американскиот претседател Доналд Трамп со шокантна изјава за CNBC јасно стави до знаење: „Не сакам да го продолжам примирјето.“ Тој тврди дека американската армија е „вооружена до заби“ и дека е подготвена да го продолжи бомбардирањето, сметајќи го тоа за подобар начин да го натера Техеран на послушност. Според него, Иран нема избор и ќе мора да се појави на преговарачката маса во Исламабад, но под американски услови.
Од друга страна, Техеран не се повлекува. Новинската агенција „Тасним“ објави дека Иран е целосно подготвен за „рестартирање“ на војната. Со подготвен список на мети и нови воени стратегии, Иранците порачуваат дека нема да преговараат под директни закани. Иранскиот врв сè уште ја држи јавноста во неизвесност – дали воопшто ќе испратат свои претставници на новиот круг разговори?
Примирјето истекува оваа среда по американско време (четврток по иранско), а клучните точки на раздор – нуклеарната програма и контролата над стратешката Ормуска Теснина – остануваат нерешени. Дали дипломатијата ќе победи во последната секунда или регионот ќе биде зафатен од нов, уште пожесток бран насилство?
