45-годишен жител на Тетово, како и двајца тинејџери од селото Шипковица, од кои еден е малолетен, добија кривични пријави поради тоа што најпрво тетовчанецот го тепал 18-годишното момче, по што тоа викнало другар и заедно, носејќи автоматска пушка, отишле кај куќата на тепачот, соопшти МВР.
„СВР Тетово поднесе кривична пријава против М.Т.(45) од Тетово поради постоење основи на сомнение за сторени кривични дела „насилство“ и „противправно лишување од слобода“ и против Ш.М.(18) и малолетник, двајцата од село Шипковица, тетовско, поради постоење основи на сомнение за сторени кривични дела „загрозување на сигурноста“ и „неовластено изработување, држење, посредување и тргување со оружје или распрскувачки материи“. На 10.03.2025 првопријавениот со закана со пиштол го одвел второпријавениот позади угостителски објект во Тетово и физички го нападнал. Истиот ден, второпријавениот и третопријавениот, кој носел автоматска пушка, отишле во близина на куќата на првопријавениот, при што предизвикале страв кај присутните“, пишува во полициското соопштение.
