Основното јавно обвинителство во Скопје поведе постапка против 49-годишен маж, осомничен за кривично дело насилство врз дете, соопштија надлежните органи.
Според обвинителството, инцидентот се случил на 22 мај во дворот на основно училиште во општина Илинден, каде осомничениот извршил физичко и психичко насилство врз дете родено во 2013 година.
Случајот започнал по недоразбирање меѓу деца, по што синот на осомничениот го повикал својот татко. По пристигнувањето, осомничениот најпрво упатувал навреди и пцовки кон другото дете, а потоа го нападнал со удари во главата и телото, при што му нанел телесни повреди.
Јавниот обвинител до судот предложил мерки на претпазливост, меѓу кои редовно јавување во суд и забрана за приближување до оштетеното дете, додека постапката продолжува.
