На 02.10.2026 година во 18:30 часот, во атарот на село Тополница, радовишко, полициски службеници од СВР Струмица – ОВР Радовиш го лишиле од слобода Ф.М.(44) од село Тополница поради сомнение за бесправна сеча на дрва.
Според информациите од полицијата, службениците преземале мерки заедно со вработени од Шумската полиција и ЈП „Национални шуми“ – Радовиш. Во рамки на активностите, на местото викано „Ќуп Тарла“, во атарот на селото Тополница, бил затекнат 44-годишниот маж додека со моторна пила вршел бесправна сеча на дабови дрва наменети за огрев.
При интервенцијата, од Ф.М. биле одземени една моторна пила и секира, за кои се сомнева дека биле користени при сечата. Воедно, на местото биле пронајдени и исечените дрва.
Одземената опрема, како и бесправно исечените дрва, биле предадени на вработените во Шумската полиција – Радовиш за понатамошно постапување.
За случајот бил известен јавен обвинител. По целосното документирање на настанот и преземањето на сите потребни мерки, против Ф.М. ќе биде поднесена соодветна пријава.
