Во Радовиш избувнал пожар во една од халите на поранешната текстилна фабрика „Декортекс“, каде биле складирани машини и различни материјали.
Пожарот синоќа бил сериозен, но по интервенција на противпожарните екипи од Радовиш и Струмица, огнот бил целосно изгаснат. За среќа, нема повредени лица.
Од Министерството за внатрешни работи соопштија дека веднаш бил известен јавен обвинител од Радовиш, како и инспектор за пожари. На местото бил извршен и увид од полицијата за да се утврди како дошло до избувнување на огнот.
Сега следува понатамошна истрага која треба да ги утврди причините за пожарот и евентуалната материјална штета.
