Хаосот во Карачи продолжува додека спасувачките екипи почнуваат да извлекуваат тела од урнатините на трговскиот центар „Гул Плаза“. До сега се потврдени најмалку 21 жртва, но стравувањата растат – повеќе од 60 лица сè уште се водат како исчезнати.
Пожарот, кој избувна во саботата, беснееше над 24 часа во огромниот повеќекатен комплекс со околу 1.200 продавници. За спасувачите, прво приоритет беше ладењето на објектот и отстранување на урнатините, што значеше дека извлекувањето на телата започна дури денеска. Многу од исчезнатите и загинатите не можат да се идентификуваат поради разурнувањата.
Меѓу исчезнатите се и членови на семејството на Касир Хан, кој јавно ги обвини службите за доцнење во интервенцијата. Според него, голем број животи можеле да бидат спасени. Стотици луѓе, вклучувајќи сопственици на продавници, се собраа околу урнатините, сведочејќи за уништувањето на животите и средствата за егзистенција. Јасмин Бано, сопственичка на една од продавниците, остана без 20-годишната работа и изворот на приходи.
Главниот министер на покраината Синд, Мурат Али Шах, потврди дека 65 лица се исчезнати, 80 се повредени, а 22 веќе се отпуштени од болница. Тој најави истрага и строги казни за одговорните. Причината за пожарот сè уште не е позната, но многумина го споредуваат со катастрофалниот пожар од 2012 година, кога загинаа повеќе од 260 луѓе.
Сè уште се чека нови детали, додека Карачи се соочува со една од најголемите трагедии во последните години.
