Страшен инцидент го потресе градот Бунвил во сојузната држава New York, откако експлозија ја зафати една локална црква, предизвикувајќи хаос и бројни повреди. Според последните информации, пет лица се тешко повредени, а 13 добиле полесни повреди.
Првите екипи на итната медицинска помош пристигнале околу 10:23 часот по пријави за мирис на гас во зградата. Сведоци изјавиле дека почувствувале мирис на гас пред експлозијата. Локалните власти користеле и хеликоптери за транспорт на повредените до болниците.
Снимки и фотографии од местото на настанот покажуваат дека црквата целосно била опкружена со пламен, а зградата претрпела катастрофални оштетувања и се смета за уништена. Еден пожарникар бил во зградата за време на експлозијата, а двајца – пожарникар и цивил – се во критична состојба. Тројца други имаат тешки повреди кои не се сметаат за животозагрозувачки.
Официјалните лица велат дека нема индиции за криминална активност. Црквата се греела со пропански боци, а пред експлозијата пасторот и уште еден член на црквата пријавиле можно истекување на гас.
Истражителите продолжуваат со работа на терен за да ја утврдат точната причина за инцидентот, додека локалните власти апелираат на внимателност и избегнување на областа.
