Вечерва пред 21 часот, во Одделението за внатрешни работи во Кичево било пријавено дека се случила тешка сообраќајна незгода на патот Кичево-Гостивар.
Во сообраќајката која се случила помеѓу градот Кичево и селото Трапчин Дол учествувале три возила.
Според првичните неофицијални информации три лица починале како последица на добиените повреди, а осум лица се повредени.
Дел од повредените се пренесуваат во болницата во Кичево а дел во Клинички центар Мајка Тереза во Скопје.
Поради тешката несреќа сообраќајот е во прекин во двата правци за сите видови возила.
