Американската актерка Хејден Панетиер почина на 36-годишна возраст, а веста за нејзината смрт предизвика голема тага меѓу нејзините најблиски, колегите и бројните обожаватели ширум светот.
Нејзината смрт ја потврдил претставник на актерката за „Еј-би-си њуз“. Во соопштението, семејството со голема болка се простило од Панетиер, опишувајќи ја како личност која внесувала љубов, радост и посебна енергија во животите на луѓето околу неа, но и кај милионите гледачи кои ја следеле преку нејзините улоги.
„Со длабока тага ја споделуваме трагичната смрт на нашата сакана Хејден“, навел нејзиниот татко Скип Панетиер.
Тој ја опишал својата ќерка како исклучителна личност, истакнувајќи дека оставила силен белег кај сите кои имале можност да ја запознаат или да ја гледаат на телевизиските и филмските екрани.
Семејството воедно побарало приватност во периодот на големата загуба, со порака дека им е потребно време да ја прифатат и обработат трагедијата.
Според информациите објавени од „Ти-ем-зет“, повикувајќи се на извори блиски до актерката, Панетиер починала во недела, 16 август. Засега нема објавени дополнителни информации за околностите и причината за нејзината смрт.
Хејден Панетиер зад себе остави кариера која започнала уште во нејзините детски години. Со текот на времето таа се етаблирала и на телевизијата и на филмското платно, а некои од нејзините улоги останаа особено препознатливи кај публиката.
Широката публика особено ја памети по улогата на Клер Бенет во популарната телевизиска серија „Херои“, каде што стекна голема меѓународна популарност.
Значајна беше и нејзината улога како Џулиет Барнс во музичката драмска серија „Нешвил“, со која дополнително го потврди својот актерски талент.
Панетиер се појавуваше и во повеќе познати филмски остварувања, меѓу кои „Сеќавања на титаните“, „Растење на Хелен“, „Ледена принцеза“ и „Врисок 4“.
Нејзината смрт на само 36 години претставува голема загуба за нејзиното семејство и за филмската и телевизиската индустрија, особено имајќи предвид дека Панетиер зад себе остави повеќегодишна кариера која започна уште во најраните години од нејзиниот живот.
