Четириесет и едногодишен жител на Куманово се здобил со тешки телесни повреди во сообраќајна несреќа што се случила доцна синоќа на улицата „11 Ноември“ во Куманово.
Според информациите од Министерството за внатрешни работи, несреќата се случила околу 22:40 часот, кога патнички автомобил со кумановски регистарски таблички, управуван од М.Т. (41), удрил во паркирано товарно возило „Пежо“, кое било сопственост на С.К. (38) од Куманово.
Во судирот најтешко настрадал возачот на автомобилот, кај кого во Општата болница во Куманово биле констатирани тешки телесни повреди.
На местото на несреќата извршен е увид од увидна екипа на СВР Куманово, која работи на утврдување на сите околности под кои се случил инцидентот.
Од полицијата засега не соопштуваат дополнителни детали за причините што довеле до несреќата, а истрагата продолжува.
