Масовна физичка пресметка меѓу шест лица била пријавена вчера попладне во скопското село Батинци, информираат од Министерството за внатрешни работи.
Според информациите од полицијата, на 11 јуни околу 18:30 часот во СВР Скопје било пријавено нарушување на јавниот ред и мир, при што дошло до тепачка меѓу две групи лица.
Во инцидентот учествувале Б.Д. (38) и В.Д. (30), од една страна, и С.М. (27), Д.М. (33), Д.М. (38) и С.М. (44), од друга страна. Сите учесници се жители на Скопје.
Од МВР соопштуваат дека се преземаат активности за целосно расчистување на случајот и утврдување на околностите под кои дошло до физичката пресметка.
По комплетирање на документацијата, против инволвираните лица ќе бидат поднесени соодветни поднесоци согласно законските прописи.
Засега не се соопштени причините за инцидентот, ниту дали некој од учесниците се здобил со повреди.
