Ноќта во Белград била особено напорна за дежурните медицински екипи, кои имале вкупно 146 интервенции, од кои 19 биле на јавни места.
Трагична сообраќајна несреќа се случила околу 23:20 часот во близина на Орловача, на белградската обиколница во правец кон Нови Сад. Автомобил удрил жена-пешак на возраст од околу 50 години, која, според информациите што Итната помош му ги дала на Танјуг, починала на местото на несреќата.
Според дежурниот лекар од белградската Итна помош, во текот на ноќта имало и повеќе интервенции поврзани со лица во алкохолизирана состојба. Дел од нив биле пренесени на одделението за токсикологија при Военомедицинската академија (ВМА) за детоксикација.
Најголем дел од повиците за медицинска помош биле упатени поради хронични астматичари, пациенти со кардиоваскуларни заболувања и лица со респираторни тешкотии.
