На 09.09.2025, околу 03:00 часот, полициски службеници од СВР Охрид го привеле З.С. (52) од Охрид, кој се сомничи дека предизвикал пожар во дворното место на ул. „Даме Груев“ во Охрид. Пожарот започнал на глисерот на неговиот брат, Ј.С. (45), и се проширил на дел од зграда и на патничко возило „мерцедес“ со охридски регистарски ознаки.
Среќа што нема повредени лица, а пожарот бил изгаснат од екипа на Територијалната противпожарна единица Охрид. З.С. бил задржан во полициска станица, каде го признал делото. По целосно документирање на случајот, против него ќе биде поднесена кривична пријава.
