Операциите за пребарување и спасување продолжуваат во областите погодени од свлечишта и други катастрофални последици од циклонот Дитва, кој ја зафати Шри Ланка.
Според Центарот за управување со катастрофи, бројот на загинати достигна 643 лица, додека 211 се водат како исчезнати. Вкупниот број на погодени луѓе се проценува на 2,2 милиони, од кои 1,7 милиони се сериозно погодени.
Генералниот директор на Центарот, Сампат Котвегода, истакна дека околу 495.000 семејства биле директно погодени од циклонот и неговите последици, и дека многумина се сместени кај роднини, бидејќи некои одбиле да ја напуштат погодената област.
Владата засега нема планови за присилна евакуација, а операциите за спасување и помош продолжуваат во најкритичните зони. Кина испрати помош за справување со последиците од поплавите и свлечиштата.
