Необична и вознемирувачка сцена се случила на автопатот Солун–Атина автопат, каде што изгубен бик предизвикал краткотраен сообраќаен хаос и паника меѓу возачите.
Инцидентот се случил во близина на Синдос, кога животното ненадејно се нашло на коловозот и почнало да се движи меѓу возилата. Возачите биле принудени нагло да сопираат и да маневрираат за да избегнат директен судир, што предизвикало застој и неизвесност на патот.
Според грчките медиуми, бикот побегнал од својот сопственик и околу еден час се движел по автопатот, предизвикувајќи ризична ситуација во која лесно можело да дојде до тешка сообраќајна несреќа.
Полицијата на крај успеала да интервенира и со помош на надлежни служби животното било безбедно фатено. Подоцна било врзано за заштитната ограда за да се спречи повторно бегство, а сведоци опишале дека било видно вознемирено по целиот инцидент.
За среќа, во настанот нема повредени лица ниту материјална штета, иако ситуацијата за кратко го парализирала сообраќајот на една од најфреквентните рути во Грција.
