Тешка трагедија се случи синоќа во Сплит, Хрватска, кога полицаец беше сериозно повреден во период кога не бил на должност. Според информациите од полицијата, нападот се случил околу 22:45 часот, кога полицаецот, кој бил во цивилна облека, бил нападнат со остар предмет и повреден со повеќекратни убодни рани.
Повредениот полицаец веднаш бил пренесен во КБЦ Сплит, каде што му била пружена итна медицинска помош. Според изворите, полицаецот претрпел тешки повреди на повеќе органи и моментално е во животозагрозувачка состојба. Лекарите се обидуваат да го стабилизираат, но неговата состојба останува сериозна.
Истражителите, како што јавува „Индекс“, претпоставуваат дека напаѓачот е 18-годишен млад човек со сериозни психички проблеми, кој бил приведен од полицијата. Една од теориите што ја истражуваат органите на редот е дека младиот напаѓач го избрал полицаецот како жртва сосема случајно, без да има претходни намери или познанства со него.
Полицијата изрази солидарност и поддршка кон повредениот колега и неговото семејство. Во соопштението се вели: „Се надеваме дека нашиот колега, со помош на докторите, ќе се опорави. Мислиме на него, стоиме покрај него и неговото семејство во овие тешки моменти.“
Полицијата изврши истрага на местото на нападот, но деталите за мотивите на нападот сѐ уште се нејасни и се чекаат дополнителни информации од истрагата.
