Во шокантен напад изведен ноќеска околу 1:30 часот по полноќ, непознати напаѓачи фрлија рачни гранати во забавен центар во населбата Кагитане Хуриет во Истанбул. Нападот се случил додека клубот бил активен, а според првичните информации, седум лица се повредени, од кои тројца се во тешка состојба.
Сведоци раскажуваат дека двајца напаѓачи со мотоцикли без регистарски таблички се доближиле до објектот и фрлиле експлозивни направи на вториот кат од петкатната зграда, каде се одвивала ноќната забава. Експлозиите предизвикале паника, а луѓето масовно излегувале од клубот.
На местото на настанот веднаш пристигнале полициски и специјални единици, експерти за експлозиви и антитерористички тимови. Областа беше затворена, а започната е опсежна истрага со преглед на безбедносните камери и употреба на полициски кучиња.
Полицијата интензивно трага по напаѓачите, а во моментов не се исклучува ниту еден можен мотив. Вознемиреноста кај граѓаните е голема, а властите најавуваат засилени мерки на безбедност.
