Во период кога Александар Вучиќ повторно е во центарот на вниманието по политичките случувања во Србија, интересот на јавноста се насочи и кон неговиот приватен живот.
Особено внимание привлече ретка фотографија од неговата свадба со Тамара Ѓукановиќ, денес позната како Тамара Вучиќ, која се одржала во декември 2013 година.
Двојката се венчала во Домот на гардата на Топчидер во Белград, на церемонија организирана далеку од очите на јавноста, со ограничен број гости и засилени безбедносни мерки.
Како изгледале младоженците?
На фотографијата што подоцна се појавила во јавноста, Тамара носи елегантна венчаница без ракави, со едноставен и класичен крој, додека Вучиќ е облечен во црн костум.
Двајцата насмеани позираат пред фотоапаратот, а свадбената прослава била одбележана и со раскошна торта.
Според српските медиуми, Вучиќ не сакал свадбата да ја претвори во голем јавен настан.
Семејството на Вучиќ
Александар и Тамара го добиле синот Вукан во јуни 2017 година.
Тамара е дипломиран политиколог и е позната по ангажманот во хуманитарни и културни активности.
Ретката свадбена фотографија повторно се актуализира во време на големи политички промени во Србија, откако Вучиќ го призна изборниот пораз на политичкиот блок што го предводеше.
Иако политичките случувања остануваат главна тема во јавноста, фотографијата од нивната интимна свадбена церемонија повторно предизвика интерес за приватниот живот на српскиот политичар.
