Од денеска во Скопје, Куманово, Тетово и на автопатските коридори 8 и 10 започнува казнувањето преку системот „Безбеден град“, кој автоматски ќе регистрира и санкционира најчести сообраќајни прекршоци. Министерството за внатрешни работи информира дека во првата фаза системот ќе следи:
- Непрописно паркирање
- Пречекорување на дозволената брзина
- Минување на црвено светло
- Управување со возило со истечена сообраќајна дозвола
Казни и санкции
Пречекорување на брзината во населено место (до 50 км/ч):
- до 10 км/ч над дозволеното – 15 евра
- 10–30 км/ч над дозволеното – 50 евра
- 30–50 км/ч над дозволеното – 300 евра + забрана за управување 3–12 месеци
Минување на црвено светло: 250 евра + забрана 3–12 месеци
Непрописно запирање и паркирање: 25–180 евра, во зависност од местото и сериозноста на прекршокот
Управување со нерегистрирано возило или истечена дозвола:
- без регистрација/сообраќајна дозвола – 500 евра
- истечена дозвола до 30 дена – 100 евра
Плаќање на казна во рок од 8 дена: 50% од износот Забрана за управување: се изрекува во половина од пропишаниот рок
Нови толеранции за брзина
Министерот Панче Тошковски информира дека по реакциите од граѓаните се воведени толеранции при пречекорување на брзината:
- до 50 км/ч – толеранција 6 км/ч
- 50–100 км/ч – толеранција 9 км/ч
- над 100 км/ч – толеранција 12 км/ч
Пример: на пат со ограничување 50 км/ч, санкција следува ако возилото се движи над 60 км/ч.
Информативни пораки наместо казни
За прекршоци во рамки на толеранцијата, граѓаните ќе добиваат само информативна порака преку СМС, без финансиска казна. Целта е да се предупредат возачите, но не и да се казнуваат веднаш.
Важно: ако прекршокот предизвика повреда или несреќа, возачот ќе одговара кривично.
Ажурирање на податоците
Граѓаните треба да ги ажурираат своите контакт-податоци за системот на шалтер во МТВ (Скопје) или во станиците за технички преглед.
- Несогласување со податоците може да се пријави во било која полициска станица
- МВР во рок од 24 часа ќе изврши проверка и корекција
Заштита на лични податоци: за пристап до записникот потребно е внесување на матичен број, за да се обезбеди веродостојност и да не се достават податоци на погрешно лице.
