Зеленски најави можен самит за мир со учество на Украина, Русија, САД и ЕУ
Украинскиот претседател Володимир Зеленски изјави дека Киев, заедно со своите меѓународни партнери, активно ја разгледува можноста за одржување самит со учество на лидерите на Украина, Русија, САД, Европската Унија и Велика Британија, со цел пронаоѓање решение за ставање крај на војната во Украина.
Зборувајќи на прес-конференција во Киев, по два телефонски разговори со американскиот претседател Доналд Трамп, Зеленски изрази надеж дека ваква средба би можела да се реализира во најскоро време.
Како можни локации за одржување на самитот биле посочени Турција, Ватикан и Швајцарија — земји кои досега повеќепати се споменувале како потенцијални домаќини на мировни иницијативи.
Зеленски нагласи дека дипломатските напори продолжуваат и оти Украина останува посветена на пронаоѓање мирно решение преку директен и конструктивен дијалог со вклученост на меѓународната заедница.
