Драматични сцени се одвивале на летот „LS896“ на авиокомпанијата „Jet2“ од Анталија кон Манчестер, кога конфликт меѓу двајца патници ескалирал во физичка пресметка. Поради инцидентот, авионот бил принуден итно да слета во Брисел.
Според сведоци, конфликтот започнал кога еден маж, кој наводно консумирал алкохол, почнал да извикува расистички навреди кон патници со пакистанско потекло. Ситуацијата дополнително се влошила кога патникот не успеал да купи цигари за време на летот и станал агресивен кон членовите на екипажот.
– „Во еден момент ситуацијата стана многу физичка. Луѓето беа вознемирени и исплашени. Атмосферата беше хаотична“ – изјави сведок кој бил присутен во авионот.
По принудното слетување во Брисел, двајцата патници биле приведени од белгиската полиција и симнати од летот. Авиокомпанијата потврди дека лицата се ставени на трајна „црна листа“ и нема да можат повеќе да летаат со „Jet2“.
– „Како семејно ориентирана авиокомпанија имаме политика на нулта толеранција кон вакво однесување. Ќе ги преземеме сите правни чекори за да ги надоместиме трошоците поради пренасочувањето на летот“ – соопшти портпаролот на компанијата.
Сведоците истакнуваат дека инцидентот е потсетник дека расизмот сè уште постои и дека нема место во општеството.
