Додека војните се водат на копно, вистинската „смртоносна стапица“ за глобалната економија се наоѓа во водата. Најновата анализа на престижниот воен центар „Вест Поинт“ испраќа застрашувачко предупредување: Блокадата на Ормушкиот Теснец веќе не е само теорија, туку „парализирачки проблем во реално време“ кој може да ја фрли планетата во хаос за само неколку часа!
Замислете тесен воден пат преку кој поминува 20% од вкупната светска нафта и огромни количини на течен гас. Ако овој пат се затвори, енергетскиот пазар ќе доживее шок каков што не е виден од Втората светска војна.
Клучните факти од анализата на „Вест Поинт“:
- Иранската контрола: Техеран има способност со евтини дронови, мини и брзи чамци целосно да го сопре сообраќајот.
- Нема алтернатива: Гасоводите и заобилните патишта можат да заменат само мал дел од она што поминува низ Ормуз. Светот едноставно нема „план Б“.
- Експлозија на цените: Аналитичарите предвидуваат дека цената на нафтата може да надмине 200 долари по барел, што би значело банкрот за многу држави и колапс на транспортот.
Иако САД и сојузниците имаат моќна флота, чистењето на теснецот од мини и подводни закани би траело со недели. Во тој период, светската берза би била во слободен пад. Ормушкиот Теснец не е само географски поим – тоа е „црвеното копче“ кое Иран го држи под прст.
Дали сме сведоци на последните денови на евтината енергија или светот ќе најде начин да го заобиколи овој „геополитички кафез“? Едно е сигурно – ако тука пукне првата пушка, последиците ќе ги почувствуваме сите, од Њујорк до Скопје, директно на бензинските пумпи!
