Иранскиот претседател Масуд Пезешкијан упати остро предупредување до Соединетите Американски Држави и Израел дека неговата земја не бара војна, но дека во случај на агресија ќе се соочи со нив со „силен отпор“.
„Америка и Израел сакаат да го поделат и уништат Иран, но ниту еден Иранец нема да дозволи тоа да се случи“, изјави Пезешкијан, пренесува Ројтерс.
Неговата изјава доаѓа по жестоката ескалација што се случи во јуни, кога Израел со поддршка од САД изврши напади врз нуклеарни и воени цели во Иран, при што загинаа научници и високи команданти.
Иран не остана должен – возврати со масовни ракетни и дрон напади врз израелски градови и стратешки локации, а целиот конфликт траеше 12 дена пред да биде прекинат.
Со најновото предупредување, Пезешкијан испраќа јасна порака дека Иран е подготвен за одбрана и дека секој нов напад би предизвикал сериозен одговор.
